علامات وصفات الأنوثه

قواعد الانوثه الـ 12
(1)البنطلون بيخليكى شبه مدربين المنتخب
الفساتين والجيبات حلوه
وبلاش فيزون حتى لو واسع مع انى مش عارفه هيكون ازاى فيزون واسع

(2)حواجبك لما تبقى على طبيعتها بتدى لوشك براءه مش طبيعيه بلاش تاتو ها

(3)الشتيمه بتحولك من بنوته رقيقه لسواق توكتوك
خلى لسانك ميقولش غير الكلام الحلو (للبنات بس ها )

(4)لما تحطى حدود مع الولاد ده بيخليكى شئ مميز مش أى حد يقدر يتكلم معاه
و على فكره المدرسين مش من محارمك ها

(5)أسلاك الكهربا وتوك اختك الصغيره بلاش تلبسيهم فى ايدك علشان اختك هتفرج عليكى الناس لو شافتهم فى ايدك والحاج الوالد مش لاقى السلك وهيعلقك

(6)الخلخال بقا انا راضيه زمتك ياشيخه انتى فاكره نفسك حنطور؟

(7)الالوان الهاديه والغامقه بتدل على إنك بنوته بلاش الالوان اللى تحسس اللى قدامك إنك لمبه نيون دى

(8)ضحكتك الجميله مينفعش حد يسمعها طول ما انتى بره البيت قشطه؟

(9)وانتى ماشيه فى الشارع عاوزه راجل ماشى ها
(10)بلاش تتعاملى مع وشك على إنه كراسه رسم ولو عندك هواية التلوين ممكن تلونى ع الحيطه عادى بس بلاش وشك

(11)الكونسيلر والكحل وملمع الشفاه وكريم الاساس دول مكياج ع فكره

(12)شعرك إحنا متأكدين إنه احلى من شعر انجلينا جولى

بس اقنعيه كله ?‫#‏بالحجاب‬? الله يكرمك بلاش شغل نص مقتنع والتانى لأ ده